د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

حکمتيار: د قومي مشرانو له خوا د جګړې تحريم د سولې تر ټولو غوره لار ده

حکمتيار: د قومي مشرانو له خوا د جګړې تحريم د سولې تر ټولو غوره لار ده

Jul 28, 2017 - 09:56

کابل (پژواک، ٦ زمرى ٩٦): د حزب اسلامي مشر د امن راوستو لپاره د عدالت ټينګښت اړين بولي، وايي هڅې کوي چې قومي شوراګانې او پخواني جوړښتونه بېرته ورغول شي تر څو د جګړې په پای ته رسولو کې مرسته وکړي.

د حزب اسلامي افغانستان د فرهنګي چارو رياست د مطبوعاتي څانګې په خبرپاڼه کې راغلي چې ګلبدين حکمتيار دغه څرګندونې تېره ورځ د منګلو شورا له مشر او غړو سره په کتنه کې وکړې.

د حزب اسلامي امير په دې کتنه کې د روسانو پر وړندې په جهاد کې د منګلو سرښندنې ستايلي او د دغه قوم له مشرانو يې غوښتي چې متحد شي او په خپلو سيمو کې د جګړې مخه ونيسي.

حکمتيار وېيلي: "زموږ هڅه داده چې قومي شوراګانې او پخواني جوړښتونه بېرته ورغول شي تر څو د جګړې په پای ته رسولو کې همکاري وکړي."

د ده په وينا، د سولې د ټينګښت تر ټولو لنډه، آسانه او ارزانه لار دا ده چې قومي مشران جګړه تحريم کړي او د سولې لپاره خپل غږ پورته کړي. 

هغه وېيلي چې په هېواد کې روانه جګړه د پرديو د ګټو لپاره روانه ده او بايد ژر پای ته ورسي.

د حزب اسلامي امير یو ځل بيا له اوسني نظام څخه په ملاتړ ټينګار کړى او هغه ډلې يې ګواښلې چې له نظام سره مخالفت او د ړنګولو هڅې يې کوي.

د حزب اسلامي مشر په هېواد کې د رڼو او عادلانه ټاکنو د ترسره کېدو غوښتنه کړې او زياته کړه يې ده چې ټولو قومونو ته بايد د هغوی حقوق ورکړل شي.

حکمتيار وېيلي:" که غواړو چې امن راشي بايد لومړی عدالت ټينګ شي او نور د کوچينو ډلو لخوا د حکومت کولو وخت تېر دی."

په خبرپاڼه کې راغلي چې د منګلو شورا مشر او غړو په دې کتنه کې د حزب اسلامي او دولت تر منځ د سولې د معاهدې ملاتړ کړى، د جګړې په پای ته رسولو کې يې د حزب اسلامي د مشر هڅې ستايلي او د يادې معاهدې له مخې رامنځته شوي شرايط يې په هېواد کې د سولې د ټينګښت او پرمختګ لپاره تاريخي فرصت بللى.

سرچينه ليکي: "د منګلو مشرانو وويل، خلک له اوسني دردناک حالت نه د وتلو لپاره د يو ښه قیادت په لټه کې دي او ستاسو (حکمتیار) تر مشرۍ لاندې د سولې او ثبات د راوستلو هيله لري."

يادو قومي مشرانو د حزب اسلامي له هڅو ملاتړ کړى او دوى هم د سولې او امنيت په ټينګښت کې د قومونو ونډه اړينه بللې ده.

 

 

 

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement