د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند او کاپيسا کې لسو وسله والو طالبانو ته مرګ ژوبله اوښتې

هلمند او کاپيسا کې لسو وسله والو طالبانو ته مرګ ژوبله اوښتې

Nov 15, 2017 - 11:52

لښکرګاه- محمودراقي (پژواک، ٢٤ لړم ٩٦): چارواکي وايي چې په کاپيسا او هلمند ولايتونو کې د يو مهم قوماندان په ګډون لسو وسله والو مخالفينو ته مرګ ژوبله اوښتې ده.

د هلمند د امنيې قوماندانۍ وياند دويم څارن عبدالسلام افغان د لړم په ٢٤مه پژواک خبري اژانس ته وويل چې تېره ورځ ناوخته امريکايي ځواکونو د سنګين ولسوالۍ د کمپ خالد په سيمه کې د وسله والو يو موټر په نښه کړى دى.

هغه زياته کړه چې په دې بريد کې په موټر کې ناست شپږ وسله وال طالبان وژل شوي، د هغوى وسلې، مهمات او موټر له منځه وړل شوي دي.

افغان وايي چې په وژل شوو کې د طالبانو يو مهم قوماندان ملا جبار هم شامل دى.

خو طالب وياند قاري يوسف بيا ادعا کړې چې وژل شوي کسان طالبان نه، بلکې د سيمې قومي مشران وو.

ازادو سرچينو تر اوسه په دې اړه څه نه دي ويلي.

د يو بل خبر له مخې، د کاپيسا ولايت په تګاب ولسوالۍ کې د يوې نښتې له امله څلورو وسله والو مخالفينو مرګ ژوبله اوښتې ده.

د کاپیسا د امنیې قوماندانۍ ویاند محمدایوب یوسفزي پژواک اژانس ته وویل چې پرون وسله والو مخالفينو د  پخواني جهادي قوماندان عبدالحکیم اخند زاده پر کسانو برید کړی و چې په ځوابي بريد کې درې وسله وال ووژل شول او يو يې ټپي شوى دى.

هغه زياته کړه چې ټپي وسله وال د پوليسو له خوا تر نيول کېدو وروسته کابل ته د درملنې په موخه لېږدول شوى دى.

وسله والو مخالفينو تر اوسه په دې اړه څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement