د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: د امریکا نوې ستراتیژي د سیمې د ثبات لپاره ګټوره ده

ولسمشر غني: د امریکا نوې ستراتیژي د سیمې د ثبات لپاره ګټوره ده

Nov 20, 2017 - 16:02

 

کابل (پژواک، ۲۹ لړم ۹۶): ولسمشر محمد اشرف غني د افغانستان او پاکستان لپاره د جرمني له ځانګړي استازي سره د ليدنې پر مهال د امريکا متحده ايالتونو نوې تګلاره د سيمې د ثبات لپاره ګټوره وبلله او زياته يې کړه چې بايد له فرصتونو موثره ګټه واخيستل شي.

د ارګ په خبرپاڼه کې راغلي چې ولسمشر محمد اشرف غني نن له غرمې مخکې د افغانستان او پاکستان لپاره د جرمني له ځانګړي استازي سره په ارګ کې وکتل.

سرچينه ليکي چې دواړو لورو د سيمه ييزو موضوعاتو، په افغانستان کې د سولې او ثبات د تامين او د جنوبي اسيا او افغانستان لپاره د امريکا متحده ايالتونو د نوې ستراتيژۍ او د هغې د موثريت په هکله خبرې وکړې.

ولسمشر غني مارکوز پوټزيل ته د ښه راغلاست تر څنګ په تېرو کلونو کې له افغانستان سره په بېلابېلو برخو کې د دغه هېواد له مرستو مننه وکړه.

هغه ټينګار وکړ: "د جنوبي اسيا او افغانستان لپاره د امريکا متحده ايالتونو نوې ستراتيژي د سيمې د ثبات لپاره ګټوره ده او د دې ستراتيژۍ له اعلان وروسته برابر شوو فرصتونو څخه بايد موثره ګټه واخيستل شي."

همداراز مارکوز پوټزيل هم د جنوبي اسيا او افغانستان لپاره د امريکا متحده ايالتونو نوې تګلاره ګټوره وبلله او ملاتړ يې ورنه اعلان کړ.

هغه زياته کړه: "هېواد يې په افغانستان کې د تلپاتې سولې او ثبات د تامين غوښتونکي دي او د افغانانو په مشرۍ او مالکيت يې د بين الافغاني مذاکراتو څخه د ملاتړ کوي."

نوموړي له افغانستان سره په بېلابېلو برخو کې د خپل هېواد د همکاريو د دوام ډاډ ورکړ.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement